சாதி வாரியான மக்கள் தொகை கணக்கெடுப்பு இனி கிடையாது: அம்பிகா சோனி

பத்தாண்டுகளுக்கு ஒருமுறை இந்திய அரசால் நடத்தப்படும் மக்கள் தொகை கணக்கெடுப்புப் பணி 2011-ல் நடைபெற உள்ளது. அதற்கான ஆயத்தப்பணிகள் நாடுமுழுவதும் முடுக்கிவிடப்பட்டுள்ளது.

இதற்காக 3539.24 கோடியில் ரூபாயில் மக்கள் தொகை பதிவேட்டை ஏற்படுத்த மத்திய அமைச்சரவை ஒப்புதல் அளித்துள்ளது. மக்களுக்கு சிறந்த சேவையளிக்கவும் நாட்டின் பாதுகாப்பை பலப்படுத்தவும் இந்த மக்கள் தொகை பதிவேடு உதவியாக இருக்கும் என்று அரசால் கூறப்படுகிறது.

மக்கள் பதிவேடு திட்டத்தின் ஓர் அம்சமாக கைரேகை பதிவு, அங்க அடையாளங்களை குறிப்பிட்டு அடையாள அட்டை வழங்கப்படும். ஒவ்வொரு அடையாள அட்டைக்கும் ஒரு எண் வழங்கப்படும். இதனால் வெளிநாட்டவர் தங்குவதையும் பயங்கரவாதிகள் ஊடுருவுவதையும் தடுக்க முடியும். 15 வயதுக்கு கீழ் உள்ள குழந்தைகள் பெற்றோரின் அடையாள அட்டையுடன் சேர்க்கப்படுவார்கள் என அமைச்சர் அம்பிகா சோனி கூறியுள்ளார்.

மேலும் “சாதி வாரியான மக்கள் தொகை கணக்கெடுப்பு இனி கிடையாது.” என்றும் கூறியுள்ளார்.

நாட்டு மக்களின் உணர்வுகளும் நியாமான கோரிக்கைகளும் இந்திய ஆட்சியாளர்களால் ஒருபோதும் ஏற்றுக்கொள்ளப்பட மாட்டாது என்பது மீண்டும் ஒருமுறை நிறுபிக்கப்பட்டுள்ளது.

குறிப்பு: சாதிவாரியான கணக்கெடுப்பு 1936-ல் ஆங்கிலேயனால் எடுக்கப்பட்டதோடு சரி. “உங்களுக்கு ஆட்சிசெய்யத் தெரியாது” என்று ஆங்கிலேயன் நம்மைப்பார்த்து சொன்னது ஏனோ இப்போது நினைவுக்கு வருகிறது.